Frå Giftinformasjonens nyheitsbrev. Utarbeidd 2002.

Anbefalinga beskriv kun hovudtrekk ved forgifting og behandling. Ring Giftinformasjonen (22 59 13 00) om du treng meir informasjon eller diskusjon.

Handslokkarar på marknaden i dag kan delast inn i 4 hovudtypar: vatn-, skum-, CO2- og pulverslokkarar (1,2). I norske husstandar finn ein hovudsakeleg pulverapparat. I det som følgjer vert difor berre denne typen brannslukningsapparat omtalt.

Det finst to typar pulverapparat. ABC-pulver består av ammoniumfosfat og ammoniumsulfat. BC-pulver inneheld blant anna natrium- og/eller kaliumbikarbonat, kaliumsulfat og kalsium (2,3). I tillegg kan begge typar pulverapparat innehalde metallstearater (til dømes sink, aluminium og magnesium), “flytemiddel” (til dømes talkum) og silikon (3). Brannslokkingspulver består av mange svært små pulverkorn. Desse gir ei stor overflate som vil binde opp frigjort varme og stanse forbrenningsprosessen.

Toksisitet

Pulveret er lite farleg ved peroralt inntak, men kan verke lett irriterande og uttørkande på slimhinner i auge, luftvegar og magetarmkanalen. Kvalme og brekningar kan komme både ved inhalasjon og svelging av pulver. Inhalasjon av større mengder pulver kan gje pustevanskar og risiko for utvikling av lungeødem. Ved massiv eksponering for pulver kan ein få akutt oksygenmangel (3).

Behandling

• Skyll auge og slimhinner godt.
• Drikk rikeleg med væske.
• Ved symptom frå luftvegar bør den eksponerte til lege eller sjukehus for vurdering/observasjon.

Referansar

1. Larsen LE. Røgforgiftning. Inhalationsskader efter ophold på brandsteder. Ugeskr Læger 1989;151(7):419-22
2. Nord Brannsikring (personleg meddeling frå Øyvind Nordnes)
3. Poisindex, MICROMEDEX® Healthcare series, Vol. 107.

Relevante søkeord:
Brannslukningsmidler, brannslukningsapparat, brannslokkingsapparat, intoksikasjon, intoks, intox, intoxikasjon.