Ny rapport klargjer årsakene til barnefattigdom
Fleire barn veks opp i familiar med låg inntekt i dag, enn for 20 år sidan. No har forskarar ved Statistisk sentralbyrå (SSB) sett nærare på kva som driv denne utviklinga.
Forskarane har funne at innvandring har spelt ei stor rolle i auken av delen barn som lever i fattigdom, når ein ser på endringar i befolkningssamansetninga. Rapporten viser at flyktningar og andre innvandrargrupper som kjem til Noreg isolert sett kan forklara rundt 80 prosent av auken i barnefattigdom mellom 2010 og 2022.
Det er særleg innvandrargrupper frå afrikanske land og land i Vest-Asia som har spesielt høg risiko for å oppleva fattigdom. Auka utdanning blant foreldre, både med og utan innvandringsbakgrunn, har medverka til å dempa auken.
Du kan lese meir om årsakene til barnefattigdom på bufdir.no.